മണിപ്പൂരിൽ നടക്കുന്ന ക്രൈസ്തവ ഉന്മൂലനത്തിന്റെ പശ്ചാത്തലത്തിൽ കഴിഞ്ഞ കുറച്ചു ദിവസങ്ങളായി ക്രൈസ്തവ വൈദികരും സന്യാസിനികളും അധികമായി ഉപയോഗിച്ച് കണ്ട ഒരു വാക്ക് ആണ് ഐക്യദാർഢ്യം എന്നത്. കത്തോലിക്കാ സഭയുടെ സാമൂഹ്യ പഠനങ്ങളിലെ ഒരു പ്രധാന പ്രമേയം ആണ് ഐക്യദാർഢ്യം. എന്നാൽ രാഷ്ട്രീയ പാർട്ടികൾ സാധാരണ ഉപയോഗിക്കുന്ന അർത്ഥത്തിലാണോ കത്തോലിക്കാ സഭ അത് ഉപയോഗിക്കുന്നത്? ഐക്യദാർഢ്യം എന്നത് പ്രധാനമായും രണ്ടു തരത്തിലാണ് ക്രൈസ്തവർ മനസിലാക്കുന്നത് എന്ന് തോന്നുന്നു. പീഡിതരോ ചൂഷിതരോ ആയ വ്യക്തികൾക്കോ സമൂഹങ്ങൾക്കോ വേണ്ടി പ്രാർത്ഥിക്കുക എന്നതാണ്…

‘എനിക്ക് നിന്നെ സഹായിക്കാൻ താത്പര്യമില്ല’ എന്നാണ് “ഞാൻ നിനക്ക് വേണ്ടി പ്രാർത്ഥിക്കാം” എന്ന് പറയുന്നതിന്റെ അർത്ഥം എന്നാണ് പ്രാർത്ഥനയെ കുറിച്ചു അടുത്ത നാളുകളിൽ ഓടിക്കൊണ്ടിരിക്കുന്ന ഒരു ട്രോൾ. പ്രാർത്ഥനയുടെ യഥാർത്ഥ അർത്ഥം അതല്ല എന്നും, അങ്ങനെ പറയുന്നവരെല്ലാം ആ അർത്ഥത്തിലാണ് അത് പറയുന്നത് എന്നും എനിക്ക് തോന്നാത്തതിനാൽ ആ ട്രോളിൽ അല്പം നൊമ്പരം കിട്ടാറുണ്ട്. പ്രാർത്ഥന എന്നു പറഞ്ഞു ഇക്കാലത്ത് പലരും കാട്ടിക്കൂട്ടുന്നത് കാണുമ്പോൾ ആ ട്രോളിൽ അല്പമെങ്കിലും സത്യം ഇല്ലാതില്ലേ എന്നു തോന്നാറുണ്ട്. പ്രാർത്ഥനയെ പലരും…